НОВА НАДЕЖ ВО БОРБАТА ПРОТИВ АЛЦХАЈМЕР – Откриена непозната клеточна органела

Научниците од Универзитетот во Вирџинија идентификуваа нова клеточна органела – хемифусом, микроскопска структура со дијаметар од само 100 нанометри. Откриена за време на проучување на клеточните филаменти, органелата се појавува како минијатурна форма налик на „снешко со марама“ и претставува досега непознат дел од човековата клеточна архитектура.

Истражувачите претпоставуваат дека хемифусомот е вклучен во рециклирањето и отстранувањето на протеини во клетките – процес од суштинско значење за нивното нормално функционирање. Ако оваа улога се потврди, откритието би можело да донесе нови сознанија во борбата против невродегенеративни болести, особено Алцхајмеровата, која е поврзана со наталожување на абнормални протеини во мозокот.

Со ова откритие, научниците потсетуваат дека човечкото тело и понатаму крие тајни, иако медицината и биологијата направиле огромен напредок.