НЕМА ПРОМЕНА НА ЦЕНИТЕ НА БЕНЗИНОТ И ДИЗЕЛОТ – РКЕ ги објави новите цени на горивата
Од 14 октомври бензините и дизелот остануваат по старите цени, додека мазутот поскапува за 2,145 денари за килограм.
Регулаторната комисија за енергетика (РКЕ) донесе нова одлука за малопродажните цени на нафтените деривати, но возачите нема да почувствуваат промена кај најкористените горива.
Од 14 октомври 2026 година, со почеток во 00:01 часот, максималните малопродажни цени ќе останат непроменети за бензините, дизелот и екстра лесното масло за горење.
Според одлуката на РКЕ, цените ќе изнесуваат:
- ЕУРОСУПЕР БС-95: 98,50 денари за литар
- ЕУРОСУПЕР БС-98: 100,50 денари за литар
- ЕУРОДИЗЕЛ БС (Д-Е V): 97 денари за литар
- Екстра лесно масло за горење (ЕЛ-1): 108,50 денари за литар
Промена има кај мазутот М-1 НС, чија цена се зголемува за 2,145 денари за килограм и ќе изнесува 51,742 денари за килограм.
Од РКЕ информираат дека во пресметката се земени предвид владините мерки за намален ДДВ од 10 проценти за дизелот, како и намалувањето на акцизата за 4 денари за литар кај бензините ЕУРОСУПЕР БС-95 и БС-98 и кај дизелот.
Врз пресметката влијаеле и движењата на светските берзи. Референтните цени на бензините, дизелот и екстра лесното масло бележат намалување, додека кај мазутот е регистриран раст.
Од Комисијата појаснуваат дека утврдените цени се максимални, што значи дека трговците можат да ги продаваат горивата и по пониски цени.
