МВР СЕ ОГЛАСИ ПО ИЗБОРИТЕ ВО БРВЕНИЦА Еве што регистрирала полицијата во текот на изборниот ден

Изборниот процес во општина Брвеница заврши во мирна и безбедна атмосфера, без нарушувања на јавниот ред и мир и без регистрирани инциденти, информира Министерството за внатрешни работи (МВР).

Според Министерството, во текот на целиот изборен ден полициските службеници преземале соодветни мерки и активности во рамките на своите законски надлежности, со цел да се обезбеди непречено и безбедно спроведување на гласањето.

„МВР во текот на целиот ден презеде мерки и активности во рамки на своите надлежности со цел непречено и безбедно спроведување на изборниот процес, како и гарантирање на безбедноста на граѓаните и одржување поволна безбедносна состојба“, се наведува во соопштението на Министерството.

Од МВР потврдуваат дека изборниот ден во Брвеница завршил во најдобар ред, без безбедносни инциденти и без нарушување на јавниот ред и мир.