МУЦУНСКИ СЕ СРЕТНА СО КОС ВО БРИСЕЛ Се разговарало за заедничките безбедносни предизвици

Министерот Тимчо Муцунски во Брисел се сретна со еврокомесарката за проширување Марта Кос. На средбата беше потврдена силната посветеност на Северна Македонија кон евроинтеграциите, реформските процеси и усвојувањето на потребните закони.

Соговорниците разговараа и за заедничките безбедносни предизвици и продлабочување на соработката во безбедноста и одбраната. Еврокомесарката Кос ја изрази поддршката за европскиот пат на државата и го поздрави континуитетот на реформите по локалните избори.