МОСКВА ПРЕДУПРЕДУВА ЗА ПОСЛЕДИЦИ, ЛОНДОН ОДГОВАРА Ќе бидеме со Украина
Руската амбасада го обвини Лондон дека дозволува употреба на британски дронови за напади длабоко на руска територија, но британскиот премиер порача дека поддршката за Киев продолжува.
Британскиот премиер Енди Барнам порача дека Велика Британија ќе продолжи да ја поддржува Украина, и покрај острите предупредувања од Москва во врска со употребата на британски беспилотни летала во нападите врз руска територија.
„Ние сме пријатели не само во добри времиња, туку ќе бидеме со Украина и во тешки времиња, и тоа нема да се промени“, изјави Барнам, говорејќи за односите меѓу Лондон и Киев.
Тој нагласи дека британската поддршка е насочена кон тоа Украина да има капацитет да се брани, додавајќи дека и неговите претходници на премиерската функција имале ист став.
Изјавата доаѓа откако руската амбасада во Лондон го обвини Обединетото Кралство дека му дозволува на Киев да користи британски беспилотни летала за напади длабоко на руска територија. Од амбасадата оценија дека ваквата политика покажува намера на Лондон дополнително да го ескалира конфликтот и предупредија дека британските потези „неизбежно ќе имаат последици за кои ќе мора да сноси одговорност“.
И покрај предупредувањата од Москва, Барнам јасно стави до знаење дека британската политика кон Украина останува непроменета.
