МИЦКОСКИ ОСТВАРИ РАЗГОВОР СО ПРЕМИЕРОТ НА КАТАР – Зајакнување на билатералните односи
Во фокусот беа безбедносните предизвици во регионот и нови можности за економска соработка помеѓу двете земји
Претседателот на Владата, Христијан Мицкоски, денеска оствари телефонски разговор со премиерот и министер за надворешни работи на Државата Катар, Шеик Мохамед бин Абдулрахман Ал-Тани. Главни теми на разговорот беа актуелните безбедносни предизвици и продлабочувањето на билатералните односи меѓу двете земји.
Мицкоски упати порака на поддршка до Катар во светло на ескалацијата на воениот конфликт во регионот.
„Изразив поддршка за државата и разбирање за сложеноста на ситуацијата на Блискиот Исток. Разменивме мислења за актуелните регионални и глобални предизвици и ја нагласивме важноста на стабилноста, мирот и соработката“, изјави премиерот Мицкоски.
Двајцата соговорници потврдија заложба за понатамошно зајакнување на пријателските односи, со посебен акцент на отворање нови можности за економска соработка во интерес на граѓаните на двете држави.
