БАЕРН ОСВОИ ВАЖНА ПОБЕДА Триумфот не се слави – Се повреди клучниот играч вреден €140 милиони
Германскиот лидер не го слави овој триумф. Причината за тоа, изгледа, е сериозната повреда на клучниот играч Џамал Мусиала.
БАЕРН освои важна победа во баварското дерби од 28. коло на Бундеслигата, 3:1 против Аугсбург. Но, германскиот лидер не го слави овој триумф. Причината за тоа, изгледа, е сериозната повреда на клучниот играч Џамал Мусиала.
Домаќинот поведе во 30. минута преку Димитрис Јанулис, но баварците одговорија со головите на Мусиала во 42-та минута. Хари Кејн направи пресврт во 60-та, а Лерој Сане во судиското продолжение.
Шест кола пред крајот на првенството, Баерн ја зголеми предноста на врвот на табелата на девет бода пред актуелниот шампион Баер Леверкузен, кој има натпревар помалку. Сепак, победата остана во сенката на повредата на Мусиала.
Тој се сруши на теренот во 55-тата минута без контакт со противник и мораше да биде заменет поради проблеми со задната ложа. Ситуацијата можете да ја погледнете.
