КРИМИНАЛОТ ЦВЕТА, ОБВИНИТЕЛСТВОТО МОЛЧИ – 200 пријави без исход вели Мицкоски
Со тоа, парламентот усвои и заклучок дека наводите во интерпелацијата се основани, а документот беше доставен до Владата и до државниот јавен обвинител.
Премиерот Христијан Мицкоски изјави дека со актуелното Обвинителство и републички обвинител е невозможно ефикасно да се води борба против криминалот и корупцијата.
Според него, институциите редовно поднесуваат пријави за сторени кривични дела, но обвинителството не презема конкретни чекори.
„Институциите преземаат мерки, доставуваат пријави, но обвинителството треба да постапи. Тоа е суштината. Не можете со ова обвинителство и овој обвинител да очекувате резултати. Можам да набројам 100-200 пријави доставени до обвинителството, без никаков исход“, рече Мицкоски, одговарајќи на новинарско прашање за извештаите на Државниот завод за ревизија во кои се посочуваат случаи на криминал и неправилности.
Тој зборуваше од терен, при увид на градежни активности на патот Климештица – Охрид, нагласувајќи дека трудот на институциите е залуден „со овие обвинители и овој обвинител“.
На 29 јули годинава, Собранието со 71 глас „за“ и без против или воздржани, ја прифати интерпелацијата за работата на Републичкиот јавен обвинител Љупчо Коцевски.
Со тоа, парламентот усвои и заклучок дека наводите во интерпелацијата се основани, а документот беше доставен до Владата и до државниот јавен обвинител.
