КОМИТЕТ ЗА МИР НА ТРАМП – Русија ја разгледува понудата за пристапување
Замрзнатите руски средства во САД би можеле да бидат пренасочени кон Комитетот за мир.
Руското Министерство за надворешни работи, заедно со сојузниците и партнерите, го разгледува предлогот на американскиот претседател Доналд Трамп за приклучување кон Комитетот за мир, изјави денес портпаролот на Кремљ, Дмитриј Песков.
Тој нагласи дека одлуката се разгледува во согласност со упатствата на рускиот претседател Владимир Путин, објави РИА Новости.
Одговарајќи на прашање за замрзнатите руски средства што Москва предложила да ги пренесе на Комитетот за мир за обнова на Појасот Газа, Песков рече дека Русија сè уште не добила одговор на својата иницијатива.
Рускиот претседател го презентираше овој предлог. Сè уште не сме добиле одговор“ – рече Песков.
Во јануари, Путин изјави дека околу 1 милијарда долари од замрзнатите руски средства би можеле да бидат насочени кон Комитетот за мир за обнова на Појасот Газа.
„Преостанатите средства од замрзнатите руски средства во САД би можеле да се искористат за обновување на териториите оштетени за време на борбите, откако ќе се склучи мировен договор меѓу Русија и Украина“ – додаде Путин.
