КАЛИНИНГРАД ВО ФОКУСОТ НА МОСКВА Русија предупредува на ризик од директен конфликт со НАТО
Москва обвинува за „провокативни потези“ и невидено голема воена активност, додека НАТО тврди дека неговите активности се одбранбени.
Русија предупредува дека воените активности на НАТО во близина на регионот Калининград го зголемуваат ризикот од директен вооружен конфликт. Руската амбасада во Брисел соопшти дека Москва е загрижена поради, како што наведува, „провокативните изјави и потези“ на НАТО и неговите членки во врска со Калининград.
Според руската страна, воената активност на Алијансата во близина на западните граници на Русија достигнала, како што ја опишува Москва, „невидено големо“ ниво. Во соопштението се наведува и дека се прошируваат иницијативите насочени кон ограничување на она што Русија го опишува како „руска закана“.
Москва особено ги посочува воените вежби од голем обем, за кои руската амбасада тврди дека вклучуваат и увежбување офанзивни операции.
Од НАТО, пак, наведуваат дека нивните активности се чисто одбранбени по природа и дека не претставуваат закана за Русија.
Различните позиции околу военото присуство во регионот Калининград доаѓаат во период на зголемена воена активност во поширокиот регион.
