ИЗБОРИ ВО УНГАРИЈА – Најнеизвесно во последните 20 години
Политичките партии може да регистрираат кандидати од 3 февруари
Кампањата за парламентарните избори во Унгарија, закажани за 12 април, започна овој викенд. Кандидатите и нивните поддржувачи имаат две недели за да ги соберат потребните потписи за номинација.
Кандидатите мора да соберат најмалку 500 важечки потписи за да се најдат на гласачката листа и треба да бидат регистрирани најдоцна до 6 март. Обрасците за номинација исто така мора да се достават до изборните канцеларии до овој датум. Политичките партии имаат можност да регистрираат кандидати и да се пријават како организации за номинација во Националните изборни канцеларии од 3 февруари.
Според Законот за изборни постапки, кампања е секоја активност која може да влијае или се обидува да влијае врз волјата на бирачите. Тоа вклучува постери, директно агитирање, политичко огласување, како и организирање изборни настани.
Анкетите на јавното мислење покажуваат дека овие избори ќе бидат најнеизвесни во последните 20 години. Институтот Nezépoint, на пример, пред една недела соопшти дека владејачката партија Fides на премиерот Виктор Орбан би добила 46% од гласовите, додека опозициската партија Tisa би имала 40% од гласовите ако изборите се одржуваа сега.
