ИТАЛИЈА САКА УЛОГА ВО МИРОВНИОТ ПРОЦЕС Мелони го форсира папата Франциск за домаќин

Италијанската премиерка Џорџа Мелони изјави дека Италија е подготвена активно да учествува во напорите за воспоставување мир во Украина, откако американскиот претседател Доналд Трамп имаше телефонски разговор со неколку европски лидери, вклучително и со рускиот претседател Владимир Путин.

„Работиме на итен почеток на преговори меѓу страните, кои можат да доведат до што поскор прекин на огнот и да создадат услови за праведен и траен мир во Украина“, се наведува во соопштението на италијанската влада.

Мелони додаде дека подготвеноста на папата Франциск да биде домаќин на потенцијални мировни разговори во Ватикан е поздравена како позитивен сигнал.

„Италија е подготвена да го даде својот придонес, да ги олесни контактите и да работи во корист на мирот“, изјави таа.

Разговорот меѓу Трамп и Путин, кој траел повеќе од два часа, според Кремљ, бил „значаен, искрен и многу корисен“. Американскиот претседател, пак, го оцени тонот на разговорот како „одличен“, без да навлегува во детали околу содржината.

Развојот на оваа дипломатска иницијатива доаѓа во време кога меѓународната заедница сè повеќе бара решенија за стагнацијата на конфликтот во Украина и за можностите за отпочнување на мировни процеси.