ИРАН СЕ ЗАКАНУВА – Бродовите без дозвола се цел за иранските сили
Податоците покажуваат дека некои бродови сепак успеале да поминат.
Секој брод што сака да помине низ Ормускиот теснец мора да добие дозвола од Иран, предупреди денес контраадмиралот Алиреза Тангсири, командант на поморските сили на ИРГЦ. Тој истакна дека бродовите кои ќе го игнорираат ова се потенцијални цели за иранските сили.
На својот X профил, Тангсири потсети дека два брода кои не ги почитувале иранските предупредувања беа нападнати претходно во денот, според PressTV. Тој нагласи дека „секој брод што има намера да помине мора да добие дозвола од Иран“ и обвини дека екипажите кои го игнорирале ова верувале во „празните ветувања“ на американската влада.
Забраната за премин низ Хормуз предизвика раст на глобалните цени на енергијата и други стоки. Експертите предупредуваат дека ако конфликтот продолжи, затворањето на морската рута може да ескалира на историски високи нивоа.
И покрај најавите од Вашингтон, САД не обезбедија воена придружба за бродовите. Податоците од платформата Marine Traffic покажуваат дека најмалку шест бродови успеале да поминат низ теснецот во изминатите неколку дена.
