ИРАН ИСПРАТИ БЕСКОМПРОМИСНА ПОРАКА ДО САД- Одиме до крај, или ќе победиме или ќе загинеме

Заменик-министерот за надворешни работи на Иран, Казем Гарибабади, ја отфрли можноста за какво било предавање, нагласувајќи дека Исламската Република е обединета и подготвена да одговори на секоја воена закана.

Тој реагираше на изјави од САД дека „привремено“ се суспендирани одредени воени дејства со цел да се остави простор за преговори, но истовремено се споменува и подготвеност за брза и масовна офанзива.

Според Гарибабади, ваквите изјави претставуваат противречност меѓу зборовите за мир и заканите со сила.

„Иран останува обединет и подготвен да се спротивстави на секоја агресија. За нас, предавањето не постои. „Или ќе победиме или ќе станеме маченици“, изјави тој, пренесува PressTV.