IPHONE 17 AIR СО A19 PRO ЧИП – Но ослабен графички процесор поради ултра тенкиот дизајн

Според најновите информации од Кина, iPhone 17 Air ќе користи процесор A19 Pro, но со помал број графички јадра во споредба со Pro моделите. Додека iPhone 17 Pro и Pro Max имаат шест GPU-јадра, iPhone 17 Air ќе располага со пет, што се должи на неговиот ултра тенок дизајн од само 5,5 мм.

Ова ограничување во графичките перформанси е резултат на компромисите направени за да се постигне најтенок iPhone досега, при што простор за одведување на топлина е значително намален. Иако за просечните корисници оваа разлика нема да биде многу забележлива, гејмерите и корисниците на графички интензивни апликации можат да почувствуваат помалку моќ.

iPhone 17 Air го заменува досегашниот Plus модел и носи и други технички компромиси, како што се само еден главен 48 MP сензор и батерија со капацитет од 2.900 mAh.

Постојат и контрадикторни информации од аналитичари, па конечните спецификации ќе станат познати по официјалната презентација на Apple.