ИАКО ВАЖЕШЕ ЗА ФАВОРИТ, „ПРИКАЗНАТА ЗА СИЛЈАН“ НЕ ВЛЕЗЕ МЕЃУ 15-ТЕ ФИЛМОВИ ЗА ОСКАР Документарниот филм освои бројни меѓународни награди

Американската филмска академија го објави потесниот избор за Оскар 2026, но „Приказната за Силјан“ не влезе меѓу 15-те документарни филмови, иако важеше за фаворит.

Режисерката Тамара Котевска изјави дека е горда што македонска приказна одекнала во светот и добила силна поддршка од јавноста.

Годинава конкуренцијата беше рекордно голема, со 201 документарен филм. „Приказната за Силјан“ беше квалификувана во категориите најдобар странски филм и најдобар документарец, откупена е од National Geographic и има бројни меѓународни награди и номинации. Филмот продолжува со кино-прикажувања.