И ПОКРАЈ ПОДОБРИТЕ РЕЗУЛТАТИ ОД МИНАТАТА СЕЗОНА Аморим на излезна врата

Кога Рубен Аморим пристигна во Манчестер Јунајтед, многумина веруваа дека неговото доаѓање ќе донесе нова ера на успех и подобри резултати. Сепак, реалноста се покажа поинаква, а сега од Англија пристигнуваат шокантни информации за неговата иднина. Според извори од угледната група Индикајла, Рубен Аморим нема да продолжи како тренер на клубот следната сезона.

„Можеби клубот ќе се обиде да го негира ова, но ние стоиме зад нашите информации и извори. Се верува дека Рубен Аморим не е човекот кој ќе го врати Манчестер Јунајтед назад до славата во Премиершипот“, се вели во објавата на Индикајла. Оваа изјава доаѓа во време кога тимот не игра ниту приближно како што играше Спортинг под негово водство.

Многу играчи во Манчестер Јунајтед не се задоволни од својата позиција и перформанси, а критиките кон Аморим се зголемуваат. Клубот е подготвен да донесе радикални одлуки доколку резултатите не се подобрат, а Оливер Гласнер, кој планира да го напушти Кристал Палас, е споменуван како потенцијален наследник.

Навивачите на Олд Трафорд, кои во последно време често се жалат на тренерот, не изгледаат премногу загрижени за неговото заминување. Се чини дека одлуката е веќе донесена, а иднината на Рубен Аморим во Манчестер Јунајтед е на работ.

Сите очи сега се вперени кон клубот и неговите следни чекори, бидејќи времето на Рубен Аморим на Олд Трафорд изгледа дека е на крајот.