ФРАНЦИЈА СЕ ВРТИ НАДЕСНО Ле Пен убедливо води, Елисејската палата сè поблиску
Најновата анкета покажува поддршка од 35 до 37 проценти за кандидатот на Национален собир, додека Жан-Лук Меланшон се наметнува како можен противник во вториот круг.
Лидерката на француската десничарска партија Национален собир, Марин Ле Пен, продолжува убедливо да води во анкетите за претстојните претседателски избори во Франција, покажуваат резултатите од најновото истражување на јавното мислење, објавени од француската телевизија БФМТВ.
Според анкетата, лидерот на радикалната левица Жан-Лук Меланшон би можел да биде нејзин противкандидат во вториот круг од претседателската трка.
Истражувањето спроведено од агенцијата „Толуна Харис Интерактив“ за телевизијата М6 и радиото РТЛ покажува дека Национален собир ја задржува силната поддршка меѓу француските гласачи, и покрај контроверзиите поврзани со наводните антисемитски изјави на Џордан Бардела, една од водечките фигури во партијата.
Според резултатите, кандидатот на Национален собир би освоил меѓу 35 и 37 проценти од гласовите во првиот круг, зависно од петте изборни сценарија што ги анализирала агенцијата.
Ваквите резултати укажуваат на стабилна предност на француската десница во пресрет на претседателските избори во 2027 година, додека политичката борба за второто место и пласман во завршниот круг останува отворена.
Анкетата претставува моментална проценка на расположението на гласачите, а не сигурна прогноза за конечниот изборен исход.
