ЌЕ ВОЗВРАТИМЕ АКО СЕ КОРИСТАТ ЗАПАДНИ РАКЕТИ ПРОТИВ НАШАТА ТЕРИТОРИЈА – Захарова со остра закана

Русија испрати остро предупредување до Западот, најавувајќи можен одговор со оружје доколку Украина користи западни далекусежни ракети на руска територија. Портпаролката на руското Министерство за надворешни работи, Марија Захарова, изјави дека Русија го задржува правото на „решителен одговор“, истакнувајќи дека станува збор за ескалација на конфликтот со директно учество на странски воени експерти.

Според неа, западните ракети не се користат самостојно од страна на украинските сили, туку со активна логистичка и оперативна поддршка од државите производители. Таа особено ја спомена Германија, обвинувајќи дека нејзин воен персонал е вклучен во планирањето и изведувањето на ракетни напади врз Русија со системи од типот „Бак“ и нивни варијанти.

„Тоа значи дека германски воени лица би биле директно вклучени во напад врз територијата на Русија“, изјави Захарова, пренесе агенцијата „Риа Новости“, потенцирајќи дека Москва вакви дејствија ќе ги смета за отворено учество во воени операции и ќе реагира соодветно.