ДРЖАВНИОТ ВРВ ЗА ИЛИНДЕН НА ТРИ ЛОКАЦИИ – Сиљановска-Давкова на Мечкин Камен, Мицкоски во Скопје, Бендевска во Пелинце
Поради здравствени причини, претседателот на Собранието Африм Гаши најверојатно нема да присуствува на државните свечености.
И годинава, националниот празник Илинден ќе биде одбележан на повеќе локации низ земјата, според традицијата на чествување на двата значајни Илиндена – Крушевскиот од 1903 година и АСНОМ-скиот од 1944 година.
Премиерот Христијан Мицкоски ќе учествува на свеченостите во Скопје, каде што ќе положи свежо цвеќе и ќе се обрати пред присутните по повод празникот.
Претседателката Гордана Сиљановска-Давкова ќе присуствува на централната државна манифестација на Мечкин Камен во Крушево – симболот на Крушевската Република и Илинденското востание.
Поради здравствени причини, претседателот на Собранието Африм Гаши најверојатно нема да присуствува на државните свечености. Наместо него, собраниската делегација ќе ја предводи потпретседателката Соња Бендевска, која ќе положи венец на Меморијалниот центар „АСНОМ“ во Пелинце.
