ДОГОВОРОТ Е ПОТПИШАН Френки де Јонг останува во Барселона!

Френки де Јонг, холандскиот фудбалер на возраст од 28 години, конечно донесе одлука да го продолжи својот договор со Барселона, по долгогодишни преговори кои често привлекуваа внимание на шпанските медиуми. Неговиот актуелен договор истекува во летото 2026 година, а управата на клубот долго време се обидуваше да постигне согласност со неговите агенти за продолжување на соработката. Сепак, според информациите од Mundo Deportivo, сега е постигнат договор.

По многуте пречки, Де Јонг на крајот се согласи на намалување на платата, што до сега го одбиваше, особено откако Жоан Лапорта стана претседател на клубот во март 2021 година, во време на значителна финансиска криза. Досега, Де Јонг беше еден од ретките играчи кои не се согласуваа на намалување на платата, но сега работите се променети.

Според важечкиот договор, кој истекува утре, Де Јонг заработува околу 365.000 евра неделно, но засега не се знае колку ќе изнесува неговата нова плата. Она што е познато е дека новиот договор вклучува клаузула за откуп од неверојатни 500 милиони евра, што ќе биде потребно да плати секој клуб кој сака да го ангажира холандскиот играч.

Де Јонг се приклучи на Барселона од Ајакс во летото 2019 година, кога каталонскиот гигант за неговиот трансфер плати 86 милиони евра. Спортскиот директор Деко претходно изрази својата поддршка за Де Јонг, опишувајќи го како “клучен играч за проектот” на Барселона.