ДЕКЛАСИФИЦИРАНИ ДОКУМЕНТИ Клинтон со Елцин сакал Русија во НАТО, Берлин останал цврсто против

Прашањето за можно членство на Русија во НАТО било актуелно во текот на 1990-тите години, но наидувало на остар отпор, особено од Германија.

Германскиот весник „Шпигел“, повикувајќи се на доверливи документи од 1994 година, објави дека Берлин бил најгласниот противник на идејата Русија да стане дел од Алијансата.

Според извештајот, тогашниот американски претседател Бил Клинтон бил сериозно заинтересиран за вклучување на Русија во НАТО и дури разговарал за тоа со рускиот претседател Борис Елцин. Сепак, наишол на силно противење од европските сојузници, при што германската влада останала цврсто против членството на Русија.