БРНАБИЌ: СРБИЈА СЕ СООЧУВА СО СЦЕНАРИО ЗА „ШАРЕНА РЕВОЛУЦИЈА“ – Зад иницијативата стои план за создавање поделби, хаос и дестабилизација во земјата

Претседателката на Народното собрание, Ана Брнабиќ, денеска изјави дека актуелните настани во Србија се дел од обид за насилна промена на власта и сценарио за „Шарена револуција“.

Таа се повика на „нон-пејпер“ на Душан Јањиќ и ад хок тим експерти, испратен до странски фактори, во кој се предлага решение за кризата. Според неа, зад иницијативата стои план за создавање поделби, хаос и дестабилизација во земјата.

Брнабиќ посочи дека првата фаза – поттикнување омраза и поделби – е завршена, а втората се одвива преку напади и палење на партиски простории и институции, со цел создавање слика на целосен хаос.

„Третата фаза е наметнување решение со вклучување на странски фактор, што би значело окупација и одземање на суверенитетот“, нагласи Брнабиќ.