БОГ ДА ЈА БЛАГОСЛОВИ МИНЕСОТА Трамп со сочувство и предупредување по убиството на конгресменка и нејзиниот сопруг

Трамп: Ќе ги гониме сите инволвирани во убиството на политичари од Минесота

Американскиот претседател Доналд Трамп изјави дека бил итно информиран за вооружениот напад што се случил во Минесота, при што животот го загубиле конгресменката Мелиса Хортман и нејзиниот сопруг Марк. Според првичните информации, станува збор за напад што, како што наведуваат властите, има политичка позадина.

„Информиран сум за страшното пукање што се случи во Минесота, кое се чини дека е цел напад врз претставници на државата. Нашиот јавен обвинител Пем Бонди и ФБИ ја истражуваат ситуацијата и ќе ги гонат сите инволвирани во целосна мерка на законот“, се вели во изјавата на Трамп објавена од страна на портпаролката на Белата куќа, Каролин Ливит, на социјалната платформа X.

Трамп ја осуди насилната пресметка, потенцирајќи дека „вакво ужасно насилство нема да се толерира во Соединетите Американски Држави“, изразувајќи сочувство до граѓаните на Минесота.

Гувернерот на Минесота, Тим Валц, потврди дека инцидентот се третира како потенцијално политички мотивирано убиство.

„Сите ние, во Минесота и ширум земјата, мора да застанеме против сите форми на политичко насилство. Оние кои се одговорни за ова ќе бидат повикани на одговорност“, изјави Валц на прес-конференција.

Федералното истражно биро (ФБИ) и локалните служби за спроведување на законот ја водат истрагата, а јавноста е повикана да пријави какви било информации поврзани со нападот.