БАЛКОН ОД СОНИШТАТА – 500 евра за еден фудбалски натпревар

Дино Мујановиќ од Зеница го има најпознатиот балкон во градот, особено во пресрет на четирите бараж-финалиња за Светското првенство. Тој ќе гледа директен пренос вечерва од 20:45, токму од својот дом со поглед кон стадионот Билино Поље и местото каде што секој Босанец би сакал да биде.

Во Зеница вечерва гостува Италија, а на балконот на Дино екипа на „Газета дело Спорт“ направи интервју, кое го насловија:

„Ми понудија автомобили, пари и… компири за да го гледаат натпреварот БиХ – Италија од балконот“.

На раскрсницата на Фра Иван Фрањо Јукиќ во Зеница, помеѓу стадионот Билино Поље и реката Босна, се наоѓа огромна дваесеткатница. Изградена во раните 1970-ти години, таа се наоѓа спроти историскиот стадион каде што настапува босанската репрезентација, клубот Челик и дури и рагби тимот. Во зградата живеат стотици семејства, а балконите гледаат директно кон теренот. Дино отсекогаш живеел во еден од овие станови, со огромна сива софа и телевизор во дневната соба, пишува „Газета“.

Балконот стана вистинска сензација откако Дино објави на Фејсбук:

„Изнајмувам балкон, цена 500 евра. Може да прими четворица, а во цената е вклучена скара и пијачка по ваш избор. Само сериозни понуди во иМбокс“.

Сепак постот му бил за да се мајтапи. Фудбал од балконот гледа исклучиво со семејството и пријателите.

„Веднаш по полуфиналето од плејофот напишав дека ќе го изнајмам мојот балкон за 500 евра за натпреварот против Италија. Цената вклучуваше скара и пијалок по нивен избор. Секако, се шегував, но пријатели и навивачи ми испратија десетици пораки.