АУДИЦИЈА СО АЦА ЛУКАС ВО МКЦ Револт кај скопјани
Настанот предизвика остри реакции во јавноста, особено меѓу уметничката заедница и граѓаните кои го сметаат МКЦ за едно од последните упоришта на алтернативната и прогресивна култура во Скопје.
Денеска напладне во киното Фросина при Младинскиот културен центар (МКЦ) во Скопје се одржа аудиција за млади музички таленти, на која како член на жирито присуствуваше и познатиот српски турбо-фолк пејач Аца Лукас.
Од МКЦ потврдија дека Лукас бил официјално ангажиран како дел од комисијата за селекција на учесниците.
Настанот предизвика остри реакции во јавноста, особено меѓу уметничката заедница и граѓаните кои го сметаат МКЦ за едно од последните упоришта на алтернативната и прогресивна култура во Скопје.
„МКЦ не е место за турбо-фолк промоција, туку простор за поддршка на независната уметност, младинската креативност и културниот развој,“ велат разочарани уметници кои веќе изразија јавно негодување на социјалните мрежи.
Останува да се види дали раководството на МКЦ ќе даде официјално соопштение по реакциите и дали ќе има промени во културната програма на институцијата.
