АМЕРИКАНЦИТЕ СЕ КРИЈАТ – Иран најави удар врз хотелите каде престојуваат нивни војници
Иранскиот портпарол тврди дека американските сили се повлекле од базите и сега се сместени во цивилни објекти, користејќи ги локалните жители како човечки штитови.
Високи ирански официјални лица остро го критикуваа американското воено присуство во регионот, тврдејќи дека структурата на силите на САД во Западна Азија „се распаднала“ и дека американските војници сега се повлекуваат во цивилни објекти, вклучувајќи хотели, користејќи ги локалните жители како „човечки штитови“. Иран се закани дека хотелите каде што престојуваат американските војници би можеле да станат цели на напад.
Бригадниот генерал Аболфазл Шекарчи, портпарол на иранските вооружени сили, во интервју за националната телевизија изјави дека американските сили биле принудени да ги напуштат воените бази, а повлекувањето во цивилни локации е „понижувачко“ и ја открива неспособноста на САД да ги заштитат своите војници.
„Кога сите американски сили се сместени во еден хотел, за нас тој хотел станува американски. Дали треба да стоиме и да дозволиме да нè пукаат? Кога ќе возвратиме, ќе гаѓаме каде што се наоѓаат“, истакна Шекарчи.
Тој додава дека 17 американски бази се уништени и дека американските и израелските сили претрпеле големи загуби, со проценети 600-800 убиени и речиси 5.000 ранети американски војници, како и 1.321 убиен израелски војник во одмаздничките операции на Иран.
Шекарчи нагласи дека Иран ќе го брани својот суверенитет и дека новите одбранбени стратегии вклучуваат офанзивни операции како одговор на нападите:
„Доколку нè нападнат, ќе возвратиме со сè што имаме.“
Иранскиот министер за надворешни работи, Абас Аракчи, истакна дека американските војници ги користат граѓаните на земјите од Советот за соработка во Заливот (GCC) како човечки штитови, сместувајќи се во хотели и канцеларии. Тој предупреди дека хотелите во регионот треба да избегнуваат сместување на американски службени лица кои би можеле да го загрозат безбедноста на гостите.
Иранските власти посочија дека нападите на САД и Израел врз Иран, вклучително и атентатот врз ајатолахот Сејед Али Хамнеи на 28 февруари, предизвикале значителни цивилни и воени жртви. Техеран возвратил со низа ракетни и беспилотни напади врз американски и израелски позиции во регионот.
