АХМЕТИ ИСЧЕЗНА ПО ПРВИОТ КРУГ – ДУИ молчи и анализира изборни резултати
Поддржувачи на ДУИ од Чаир посочуваат дека партијата не е губитник според споредбата на гласовите на листите за советници од 2021 и 2025 година, со зголемување од околу 11.000 гласови
Три дена по првиот круг на локалните избори, Али Ахмети, претседателот на ДУИ и лидер на Националната алијанса за интеграција (НАИ), сѐ уште не се појавил во јавноста.
Познавачите на внатрешните состојби во ДУИ велат дека „навистина немаат информации што се случува во Мала Речица“, но додаваат дека молкот покажува големо разочарување. Отсуството на јавен настап се толкува како време за темелна анализа на изборните резултати и за подготовка на стратегија за вториот круг, додека другите партии слават.
Поддржувачи на ДУИ од Чаир посочуваат дека партијата не е губитник според споредбата на гласовите на листите за советници од 2021 и 2025 година, со зголемување од околу 11.000 гласови. Сепак, губењето на Чаир и Сарај, како и лидерството на ВЛЕН во други општини, оставило посилен впечаток.
