САД ЈА ПРОДОЛЖИ ПАУЗАТА ВО ТРГОВСКАТА ВОЈНА СО КИНА ЗА 90 ДЕНА – Избегнато зголемување на царините

Американскиот претседател Доналд Трамп потпиша извршна наредба со која примирјето во трговската војна со Кина се продолжува за уште 90 дена, со цел да се избегне зголемување на царините што можеше да доведе до речиси целосно трговско ембарго.

Договорот спречува американските царини за кинескиот увоз да пораснат на 145 проценти, што ќе предизвикаше Пекинг да одговори со 125-процентни царини за американските производи.

„Ќе видиме што ќе се случи. Тие се однесуваат доста пристојно. Имам многу добри односи со кинескиот претседател Си Џинпинг“, изјави Трамп.

Во моментов, САД имаат царини од 30 проценти за увоз од Кина, додека Пекинг возвраќа со 10 проценти за американските стоки.