ГРАД СКОПЈЕ ЗАПОЧНУВА СО ТЕРЕСТРИЧНА ДЕЗИНСЕКЦИЈА Им доаѓа ли крај на комарците?

Од вечерва, Градот Скопје започнува со терестрична дезинсекција против комарци, која ќе се спроведува до четврток. Активностите ќе се реализираат во ноќните часови, од 22:00 до 03:00 часот по полноќ, информираат од градските власти.

Доколку временските услови не овозможат изведување на дезинсекцијата во предвидениот термин, прскањето ќе се одложи и ќе се изврши во истиот временски интервал, во првиот нареден ден со поволни временски услови.

Градот Скопје упати апел до пчеларите навремено да ги преземат сите неопходни мерки за заштита на пчелите, поради чувствителноста на овие инсекти на средствата што ќе се користат во дезинсекцијата.