НОВИ ПОЖАРИ НИЗ МАКЕДОНИЈА Активни жаришта во девет општини

Во изминатите 24 часа, во цела Македонија се регистрирани 33 пожари на отворен простор – информира Центарот за управување со кризи (ЦУК). Според најновите податоци, седум пожари сѐ уште се активни, седум се ставени под контрола, а деветнаесет се целосно изгаснати.

Активни пожари се евидентирани во:

• Општина Василево

• Општина Радовиш

• Општина Берово – каде на Малешевските Планини гори нискостеблеста шума, смрека и ниска вегетација

• Општина Прилеп – кај селото Бешиште

• Општина Македонски Брод

• Штип, Кочани, Карбинци и Зелениково

Под контрола се следниве пожари:

• Во Прилеп – меѓу селата Царевиќ и Смолани

• Во Македонски Брод – кај селата Локвица, Крапа, Грешница и Латово

• Во Ресен – кај селото Долно Перово

• Во Желино

Целосно изгаснати се 19 пожари, и тоа:

1. Чучер Сандево – кај Делеководите (мешана шума)

2. Шуто Оризари – два пожари на ул. Брсјачка Буна и Нов Живот бр.10 (ѓубре)

3. Гази Баба – на ул. 516 бр.6 и ул. Јужноморавски бригади (ѓубре и ниска вегетација)

4. Студеничани – кај с. Морани и депонијата Дрисла (ниска вегетација и отпад)

5. Аеродром – ул. Тодор Чангов (ниска вегетација)

6. Зелениково – с. Смесница (ниска вегетација)

7. Куманово – три пожари кај с. Речица, ул. Никола Тесла и с. Пчиња (сува трева и ниска вегетација)

8. Прилеп – кај селата Штавица и Ново Лагово (ниска вегетација)

9. Македонски Брод – с. Латово, место викано Маркова Стапалка (грмушки и сува трева)

10. Гостивар – с. Сенакос (ниска вегетација)

11. Сопиште – с. Ракотици (ѓубре и напуштен објект)

12. Прилеп – населба Тризла (дива депонија)

13. Радовиш – с. Подареш (ниска вегетација)

Надлежните служби и натаму се на терен и апелираат до граѓаните да се воздржат од палење оган на отворено, особено во овие топли и суви летни денови.