ПОЗИТИВНО ДВИЖЕЊЕ НА АЗИСКИТЕ БЕРЗИ, доларот ослабна, а цените на нафтата пораснаа
Фокусот на пазарите беше записникот од последната седница на ФЕД, кој најавува можност за намалување на каматните стапки подоцна годинава. Сепак, не се очекува тоа да се случи веќе во јули.
На поголемиот дел од азиските берзи денес цените на акциите пораснаа, следејќи го растот на Волстрит од претходниот ден. MSCI индексот на азиско-пацифички акции утрово беше повисок за 0,2 проценти, а берзите во Хонгконг, Шангај, Австралија и Јужна Кореја бележеа пораст меѓу 0,1 и 1,3 проценти. Индексите во Индија и Јапонија забележаа благ пад.
На Волстрит, Dow Jones порасна за 0,49%, S&P 500 за 0,61%, а Nasdaq за 0,95%, поттикнат од растот на акциите на Nvidia за 1,8%, со што нејзината пазарна вредност достигна рекордни 3.970 милијарди долари. Раст од над 1,4% забележаа и Microsoft и Amazon.
Фокусот на пазарите беше записникот од последната седница на ФЕД, кој најавува можност за намалување на каматните стапки подоцна годинава. Сепак, не се очекува тоа да се случи веќе во јули.
На валутните пазари, доларот ослабе по тридневен раст. Индексот на доларот падна на 97,40 поени. Еврата порасна на 1,1735 долари, а доларот ослабе во однос на јенот, достигнувајќи 146,30 јени.
Цените на нафтата исто така бележат благ пораст – барелот на лондонскиот пазар изнесува 70,35 долари, а на американскиот 68,45 долари.