ПАД НА ЦЕНИТЕ НА ДИЗЕЛОТ И МАЗУТОТ бензинот останува непроменет

Регулаторната комисија за енергетика (РКЕ) донесе одлука за нова корекција на цените на нафтените деривати, со што од ноќеска на полноќ ќе се намалат цените на дизелот и мазутот, додека цените на бензинот и екстра лесното масло за домаќинства остануваат непроменети.

Според одлуката:

• Дизелот се намалува за 2,50 денари, и новата цена ќе биде 70,50 денари по литар.
• Мазутот се намалува за 1,499 денари, и ќе се продава по 40,188 денари за килограм.
• Еуросупер-95 останува на 77,50 денари по литар.
• Еуросупер-98 останува на 79,50 денари по литар.
• Екстра лесното масло за домаќинства (ЕЛ-1) и натаму ќе се продава по 72,00 денари за литар.

Намалувањето на цените е резултат на падот на референтните цени на нафтените деривати на светскиот пазар. Според РКЕ, во пресметковниот период:

• Бензините бележат намалување од 3,613%,
• Дизелот се намалил за 5,146%,
• Екстра лесното масло за 4,462%,
• А мазутот за околу 4,906%.

Регулаторната комисија ќе продолжи редовно да ги следи движењата на цените на светските берзи и според методологијата, да ги прилагодува домашните цени.