ЗЕМЈОТРЕС ПОЧУВСТВУВАН ВО ОХРИД И ОКОЛИНАТА до сега без пријавени штети
Надлежните институции продолжуваат да ја следат состојбата, а граѓаните се повикуваат на смиреност и информирање од официјални извори.
Рано изутринава, во 3 часот и 59 минути, е регистриран земјотрес со локална магнитуда од ML 2.4 степени според Рихтеровата скала во епицентралното подрачје помеѓу Пештани, Охрид и Струга, на околу 115 километри југозападно од Скопје.
Според податоците од Сеизмолошката опсерваторија при Природно-математичкиот факултет во Скопје, земјотресот бил почувствуван во Охрид и околните населени места со интензитет од III степени според Европската макросеизмичка скала (EMS-98), што укажува на слаб потрес кој главно се чувствува во затворен простор, без предизвикување штети.
Нема пријави за материјални штети или повредени лица.
Сеизмолозите нагласуваат дека вакви потреси се вообичаени за сеизмички активниот регион на југозападна Македонија, каде почести се послаби земјотреси со локален карактер.
Надлежните институции продолжуваат да ја следат состојбата, а граѓаните се повикуваат на смиреност и информирање од официјални извори.
