МИЛИЈАРДИ КОРИСНИЧКИ ПОДАТОЦИ ПРОТЕЧЕНИ – експертите предупредуваат на зголемена сајбер закана
Истражувачите од компанијата за сајбер безбедност „Сајберњуз“ открија 16 милијарди податоци за најавување собрани од различни протекувања, кои вклучуваат лозинки за популарни платформи како Google, Facebook и Apple.
Според извештајот, се работи за 30 збирки на изложени податоци, а иако постојат дупликати, сè уште е нејасно колку корисници се погодени. Податоците не потекнуваат од еден извор, туку од повеќе кражби преку време, со користење на малициозен софтвер за крадење информации.
Експертите советуваат корисниците веднаш да ги сменат лозинките, да не користат исти лозинки на различни места, да користат менаџери за лозинки и да вклучат двофакторска автентикација за дополнителна заштита.
CATEGORIES Магазин