СДСМ ОБВИНУВА ЗА НАБАВКА НА СОФТФЕР ЗА СЛЕДЕЊЕ – ВМРО-ДПМНЕ возвраќа дека СДС шири лаги, софтверот е за форензика

СДСМ на денешната прес конференција обвини дека МВР потпишало Договор за набавка на софтвер кој се користи за прислушкување и шпионажа на телефонските уреди.

„Дали следењето и прислушкувањето новинари, активисти и политички неистомисленици се таргет на МВРО-ВМРО? Софтверот “Селебрајт Инсајтс Про” како и “НовиСпај” се алатки развиени за потребите на српската Безбедносно информативна агенција. Проблематично е тоа што во светските медиуми и официјални соопштенија на Гугл, за овој софтвер се наведува дека бил користен за следење на новинари и активисти“ – велат од СДСМ.

Пристигна рекација од ВМРО-ДПМНЕ во која се вели:

„Наводите на СДС дека е набавен софтвер за прислушкување во МВР се невистина и брутална лага. Очекуваме СДС да се извинат. Софтверите се набавуваат за системот за форензика кој е набавен од СДС кога тие биле на власт. Многу добро знае СДС дека инсинуациите од денешниот прес им се целосна измислица, но жално е како мислат дека го лажат народот. Да потсетиме дека СДС е партија која многупати до сега е осудена за клевети и партија која нена никаков проблем да лаже и клевети за да растура пердуви“ – потенцираат од ВМРО-ДПМНЕ.