ЖДРЕПКАТА ВО НИОН ГИ РАЗДЕЛИ СОСЕДИТЕ Еве против кого ќе играат Србија, Хрватска, БиХ и Словенија
Четирите репрезентации од поранешна Југославија ги избегнаа меѓусебните дуели во баражот за опстанок во елитната А-дивизија на Лигата на нации.

Попладнево во Нион беа извлечени и двојките за опстанок во А-дивизијата на Лигата на нации, во кои ќе учествуваат четири репрезентации од просторите на поранешна Југославија: Хрватска, Босна и Херцеговина, Србија и Словенија.
Интересно е што ждрепката ги раздели поранешните југословенски репрезентации, па ниту една од нив нема да игра против друга селекција од поранешната заедничка држава.
Најинтересните двојки секако се дуелите на Србија и Хрватска, кои ќе имаат сериозни предизвици во обидот да го зачуваат местото меѓу најдобрите европски репрезентации.
Комплетните двојки за опстанок во А-дивизијата се Босна и Херцеговина – Данска, Унгарија – Србија, Република Ирска – Хрватска и Словенија – Велс.
Натпреварите ќе се одиграат од 25 до 30 март 2027 година, кога ќе биде познато кои селекции ќе го зачуваат статусот во елитната А-дивизија на Лигата на нации.

