ВО ИЗДАНИЕ НА МАКЕДОНИКА ЛИТЕРА Објавен романот „Италијанка“ од Џузепе Катоцела

„Италијанка“ се заснова на вистинска личност, Марија Оливерио, и, користејќи официјални документи и историски документи, Катоцела ја прераскажува нејзината приказна, борбата на незаборавната хероина за слобода и приказната за предавствата кај италијанската нација.

ВО ИЗДАНИЕ НА МАКЕДОНИКА ЛИТЕРА Објавен романот „Италијанка“ од Џузепе Катоцела
Фото: Македоника литера

„Македоника литера“ неодамна го објави романот „Италијанка“ од современиот италијански писател Џузепе Катоцела, во превод од италијански на македонски јазик на Анета Симовска, кој доби престижно признание за најдобар италијански роман во 2021 година.

„Италијанка“ е моќен, суров и исклучително динамичен историски роман кој го оживува ликот на Марија Оливерио, позната како Чичила една од најфасцинантните, но често заборавени жени во италијанската историја. Сместен во дивиот предел на Калабрија во 19 век, романот ја следи трансформацијата на Марија од крајно сиромашна девојка во единствената жена водач на бунтовничка чета за време на крвавото обединување на Италија.

Она што ја прави оваа книга толку впечатлива е способноста на Катоцела да ги спои суровите историски архиви со длабока емотивна драма. Тој не го романтизира животот на бунтовниците, туку нуди искрен портрет на една жена водена од предавство, сиромаштија и незапирлива желба за слобода. Преку нејзините очи, авторот го демистифицира сјајниот мит за италијанското обединување, откривајќи ги бруталните неправди и длабокиот јаз меѓу Северот и Југот.

Ова е филмски напишана, епска приказна за политичко предавство, преживување и за една жена која одбила да им се покори на општествените правила на своето време. Книгата е одличен избор за сите љубители на квалитетна историска фикција со силни женски протагонисти.

„Италијанка“ е приказна за еманципирана жена, која ги оспорува табуата и се бори за правда. Таа е силна и решителна жена која не се плаши да ги следи сопствените инстинкти и да ја бара слободата по секоја цена. Има убава порака за издржливоста и борбата за сопствените права и слобода. Станува збор за историска драма.

Чичила е родена во многу сиромашно семејство во срцето на Калабрија. На 12-годишна возраст таа е принудена да го напушти семејниот дом каде владее сиромаштија, мора да се откаже од малиот кревет што веќе го дели со еден од нејзините браќа, за својата постара сестра Тереза. Темпераментната и доминантна Тереза се враќа да живее со своите родители по насилната смрт на познаниците кои ја посвоиле. Таа е груба и отфрлена но љубезна жена која живее во колиба надвор од градот. Така Чичила ја поминува младоста, во шумата. Таа ги учи јазикот на слободата и законите на природата, ги запознава планините, учи да прави разлика меѓу доброто и лошото и станува млада жена која не се плаши од борба.

„Италијанка“ се заснова на вистинска личност, Марија Оливерио, и, користејќи официјални документи и историски документи, Катоцела ја прераскажува нејзината приказна, борбата на незаборавната хероина за слобода и приказната за предавствата кај италијанската нација. Катоцела развива заплет кој го одзема здивот, емотивен и со добро темпо: нејзиното сиромашно детство, нејзината страсна и болна љубов кон бунтовникот Пјеро, нејзината жестока непријателска врска со Тереза, нејзината борба за слобода како жена и како дел од експлоатираната класа. Речиси 160 години подоцна, приказната на Чичила станува универзална приказна за секој кој се борел против вековното угнетување, во време кога личната слобода сè уште не постоела и било опасно дури и да се сонува да се ослободи од угнетувањето на „господарите“.

Во „Италијанка“ авторот го спојува семејството со историската драма, сконцентрирано околу незаборавната фигура на Чичила, и ни покажува, низ филтерот на тешката и бунтовничка женственост, што може да се постигне со љубовта кон човештвото и кон слободата.

Книжевната критика искажа извонредни критики и одбрани зборови за овој роман:

„Џузепе напишал импресивен и воодушевувачки роман. ,Италијанка` е приказна за Марија Оливерио, раскажана со див, жив глас. Марија е силна жена, растргната меѓу љубовта, страдањето и трагичната судбина“. – Роберто Савијано

„’Италијанка‘ ме воодушеви и ме трогна. Неконформистичка жена, силна и кревка одеднаш, прикажана со моќен јазик што се храни со природата и дивината во сета нејзина големина и сила… Џузепе Катоцела напиша книга со таква големина и сила со најголема зрелост“. – Микела Мургија

„Катоцела е одличен. Привлечно читање, прекрасно напишан роман. Убаво напишан портрет на сиромашен и брутален свет и неговата желба за откуп. Катоцела е одличен“. – Симонета Ањело Хорнби

„Колку е грациозна оваа книга која доаѓа од минатото, а сепак знае да зборува за сегашноста, како ретко која книга“. – Марко Мисироли

„Интензивен, моќен и повеќеслоен роман“. – Микела Марзано

„Приказна раскажана со ретка свежина, исполнета со незаборавни ликови врежани со стабилна рака и уникатни лирски описи на пејзажот“. – „Република“

„Роман за читање, но пред сè за ’чувствување‘. Писателот има моќен стил и повторно следи моќна приказна, жена која се бори во арената на животот, жена која не сака да молчи. Катоцела се покажува како еден од најдобрите писатели на денешницата“. – „Ил Џорнале“

Џузепе Катоцела (Милано, 1976) е афирмиран италијански писател од помладите генерации и е меѓу најчитаните современи италијански автори. Дипломирал филозофија на Универзитетот во Милано. Амбасадор е на добра волја на УНХЦР. Пишува романи, раскази и драми. Пишува и за познатите италијански весници „Република“ и „Еспресо“.

Неговиот роман „Италијанка“ е објавен во Италија во февруари 2021 година. Во октомври 2022 година, по неколкумесечно гласање и жирирање, е прогласен за најдобар италијански роман за 2021 година, во конкуренција на близу 850 романи. „Италијанка“ ја освои Меѓународната награда „Алесандро Манцони“, книжевната награда „Елба“, книжевната награда „Базиликата“ и наградата „Брианца“ од критичарите, а беше номиниран за наградата „Комисо“. Во Франција, ја освои наградата „При Литературс европеенс“ 2023 и беше финалист за наградата „При Паризиен“ за најдобар роман на годината. Книгата почна да се филмува во октомври 2022 година, за ТВ серија .

 

CATEGORIES
Share This