ПОРТУГАЛИЈА МУ СЕ ПОКЛОНИ НА РОНАЛДО Седумката замина во историјата, емоции во Брага

Повеќе од еден и пол месец по неговото последно заминување од репрезентативниот собир, Португалија му приреди посебна почит на човекот кој остави неизбришлива трага во националниот дрес.

Пред ноемврискиот собир, Роналдо објави дека ја завршува репрезентативната кариера и дека повеќе нема да го носи дресот на Португалија. Токму затоа, целиот вовед во натпреварот во Брага беше посветен на легендарниот капитен.

Португалските фудбалери излегоа на теренот носејќи го дресот со бројот 7 – бројот кој повеќе од две децении беше синоним за Кристијано Роналдо. Посебна атмосфера имаше и на трибините, каде навивачите подготвија спектакуларна кореографија во негова чест.

Емоциите продолжија и во седмата минута од натпреварот, кога играта накратко беше прекината за навивачите со аплауз да му оддадат почит на фудбалерот кој го одбележа едно цело фудбалско поглавје.

Претходно, Португалија донесе и симболична одлука поврзана со легендарната „седумка“ на Роналдо. Наместо едноставно да го повлече бројот, беше создаден посебен дизајн на дресот со број 7, кој ќе го носат неговите наследници во репрезентацијата.

Пораката е јасна, бројот 7 продолжува да живее, но името на Кристијано Роналдо засекогаш ќе остане запишано во историјата на португалскиот фудбал.

NOW THIS IS THE RESPECT RONALDO DESERVES❤️ https://t.co/vPtobYRl77

— (fan) Trey (@UTDTrey) November 14, 2026