ТУСК СО ОСТРА ПОРАКА ДО ВАШИНГТОН И МОСКВА Нема да дозволиме да одлучувате за безбедноста на Европа без нас
Полскиот премиер порача дека ниту Вашингтон ниту Москва не можат еднострано да ги утврдуваат новите безбедносни правила на европскиот континент.
Европските земји нема да дозволат Соединетите Американски Држави и Русија да постигнат договор за нови безбедносни правила на европскиот континент без нивно учество, порача полскиот премиер Доналд Туск на самитот на Европската политичка заедница во Даблин.
„Под никакви околности нема да дозволиме никому да воспостави нови безбедносни правила во овој дел од светот над нашите глави, над главите на Полска и Европа“, изјави Туск пред новинарите, пренесува ТВП Ворлд.
Тој нагласи дека новата безбедносна архитектура на Европа не може да биде воспоставена еднострано, ниту да се темели исклучиво врз барањата и интересите на Москва или Вашингтон.
Со оваа изјава Туск испрати јасна порака дека европските држави бараат активно учество во сите разговори и одлуки што се однесуваат на идната безбедносна архитектура на континентот.
