ГУГЛ ГО ПРЕТСТАВИ НОВИОТ МОДЕЛ ЏЕМИНИ 4 ХИДРОГЕН Побрз е, попрецизен и достапен за поширок круг корисници
Особено подобрување е забележано кај генерирањето програмски код, каде што новиот модел постигнал повеќе од трипати подобар резултат на тестот Terminal-Bench во споредба со претходната верзија.
Гугл го претстави новиот модел за вештачка интелигенција Џемини 4 Хидроген, кој треба да ги замени побрзите и поекономични модели Флеш. Новиот модел носи подобрувања во брзината, точноста, програмирањето и пребарувањето информации.
Хидроген работи со четири нивоа на размислување – ниско, средно, високо и новото xhigh. Според податоците на компанијата, во режимот high е 2,5 пати побрз од претходниот Флеш 3.8, а значително ги намалува и неточните одговори.
Особено подобрување е забележано кај генерирањето програмски код, каде што новиот модел постигнал повеќе од трипати подобар резултат на тестот Terminal-Bench во споредба со претходната верзија.
Хидроген ќе биде интегриран и во Google Search, со подобрени AI Overviews и AI Mode, кои треба да нудат поквалитетни одговори на сложени прашања, повеќе визуелни содржини и поширок избор на извори.
Моделот веќе е достапен за претплатниците на AI Pro и Ultra, додека бесплатните корисници и претплатниците на AI Plus засега ќе продолжат да користат постари модели.
Програмерите ќе можат да пристапат до Хидроген преку API по цена од 1,50 долари за милион влезни токени и 7,50 долари за милион излезни токени, со што Гугл го позиционира како побрза и поекономична опција за развој на софтвер и работа со автономни AI агенти.
