ПУТИН СО ПОРАКА ДО ЕУ Европските војници во Украина ќе бидат легитимна воена цел дури и по постигнување мировен договор
Путин ова го истакнал на 12 ноември, за време на средбата во Кремљ со американските пратеници Стив Виткоф и Џаред Кушнер.
Рускиот претседател Владимир Путин предупреди дека секое распоредување европски војници во Украина по евентуален мировен договор ќе се смета за продолжување на војната, а странските сили ќе бидат третирани како легитимна воена цел.
Путин ова го истакнал на 12 ноември, за време на средбата во Кремљ со американските пратеници Стив Виткоф и Џаред Кушнер. Тој се спротивставил на присуството на европски воени контингенти, оценувајќи дека тие не можат да бидат дел од безбедносните гаранции за Украина.
Рускиот претседател ги повторил и територијалните барања на Москва, нагласувајќи дека за Русија единствена линија на разграничување е државната граница.
Средбата во Москва следувала по разговорите меѓу американската и руската делегација во Абу Даби. По состанокот, Виткоф и Кушнер заминале за Даблин, каде што е планирана средба со украинскиот претседател Володимир Зеленски, а преговорите за можно решение на конфликтот треба да продолжат.
