ШТО ЌЕ ДОНЕСЕ НОВИОТ IPHONE 18? Apple подготвува големо изненадување за 2027 година
Новите модели би можеле да делат неколку важни компоненти, со што поевтиниот модел ќе стане многу поконкурентен.
Apple би можел значително да ја намали разликата меѓу подостапниот iPhone 18e и стандардниот iPhone 18, кои се очекуваат во 2027 година. Новите модели би можеле да делат неколку важни компоненти, со што поевтиниот модел ќе стане многу поконкурентен.
Двата телефони наводно ќе имаат 6,3-инчен екран, батерија од 4.430 mAh и новиот процесор A20. За iPhone 18e тоа би значело поголем екран и батерија со околу 11 проценти поголем капацитет во однос на актуелниот модел.
Се очекува и двата уреда да добијат новиот модем Apple C2, а можно е да располагаат и со 9 GB RAM. Сè уште не е познато дали iPhone 18e ќе го добие Dynamic Island или ќе го задржи класичниот засек на екранот.
Главната разлика меѓу моделите најверојатно ќе остане кај камерите. Стандардниот iPhone 18 би требало да има две задни камери, додека iPhone 18e ќе располага со една главна камера од 48 мегапиксели.
Доколку овие промени се реализираат, iPhone 18e би можел да понуди значително повеќе за својата цена, а разликата во однос на поскапиот модел би се свела главно на камерите и неколку дополнителни премиум-функции.
