ТРАМП НАЈАВУВА ПРЕСВРТ ВО УКРАИНА Крајот на војната е поблиску од кога било

Крајот на војната во Украина е сè поблиску, можеби поблиску од кога било досега, изјави американскиот претседател Доналд Трамп.

Одговарајќи на новинарски прашања во Белата куќа за ослободувањето на Американецот Стивен Хабард од руски притвор, Трамп посочи дека неговото враќање е резултат на директни разговори со рускиот претседател Владимир Путин.

„Прашав дали можат да го пуштат Стивен Хабард, а тој сега е на пат кон дома. Не дадов ништо за возврат“, изјави Трамп.

Американскиот претседател не соопшти дополнителни детали за разговорите со Путин, но неговата изјава за можниот крај на војната во Украина повторно ги отвори прашањата за перспективите за постигнување мировен договор меѓу Москва и Киев.