МАКЕДОНИЈА БАРА НОВА ПОДДРШКА ОД СВЕТСКАТА БАНКА Димитриеска-Кочоска на важни средби во Банког

Министерката за финансии Гордана Димитриеска-Кочоска оствари серија средби со високи претставници на Светската банка и Меѓународната финансиска корпорација (ИФЦ) во рамките на годишните средби на Светската банка и Меѓународниот монетарен фонд, кои годинава се одржуваат во Бангкок, Тајланд.

Димитриеска-Кочоска разговараше со регионалната потпретседателка на Светската банка за Европа и Централна Азија, Антонела Басани, потпретседателот на ИФЦ за Европа, Латинска Америка и Карибите, Алфонсо Гарсија Мора, како и со извршниот директор на Светската банка за конституенцата во која членува Македонија, Јуџин Ругенат.

Во фокусот на разговорите биле досегашната соработка со меѓународните финансиски институции, проектите што се реализираат во земјава и можностите за проширување на партнерството, соопшти Министерството за финансии.

Посебно внимание било посветено на поддршката за реформите и развојните приоритети на државата, како и на тековните активности преку кои Светската банка и ИФЦ придонесуваат за економскиот развој на Македонија.

Светската банка останува еден од значајните развојни партнери на земјата, обезбедувајќи финансиска и експертска помош за спроведување реформи и реализација на проекти во различни области.

Средбите во Бангкок се дел од пошироките напори за одржување и унапредување на соработката со меѓународните финансиски институции, во услови кога поддршката за реформите и развојните инвестиции останува важна за економските приоритети на државата.