ЧЕСТИТ 8 СЕПТЕМВРИ Од полноќ поскап дизел, еве за колку
РКЕ донесе одлука за зголемување на цените на сите нафтени деривати, а најголем скок има кај дизелот и екстра лесното масло.
Регулаторната комисија за енергетика, водни услуги и услуги за управување со комунален отпад (РКЕ) донесе одлука за зголемување на малопродажните цени на нафтените деривати во просек за 4,89 отсто во однос на претходната одлука од 31 август.
Новите цени ќе се применуваат од 8 септември 2026 година од 00:01 часот.
Со одлуката продолжува и примената на намалената акциза од 2 денари за литар кај бензините „Еуросупер БС-95“ и „Еуросупер БС-98“, како и намалената акциза од 4 денари за литар кај „Еуродизел“ (Д-Е V).
Според новата одлука, максималните малопродажни цени ќе изнесуваат:
- Еуросупер БС-95 – 97 денари/литар
- Еуросупер БС-98 – 99 денари/литар
- Еуродизел БС (Д-Е V) – 101 денар/литар
- Екстра лесно масло за домаќинство (ЕЛ-1) – 105 денари/литар
- Мазут М-1 НС – 46,001 денари/килограм
Во однос на досегашните цени, бензините поскапуваат за 3 денари за литар, дизелот за 6 денари за литар, додека екстра лесното масло поскапува за 8 денари за литар.
Цената на мазутот е зголемена за 1,591 денар за килограм, па новата цена ќе изнесува 46,001 денар за килограм.
Од РКЕ појаснуваат дека зголемувањето е резултат на повисоките референтни цени на нафтените деривати на светскиот пазар. Во однос на претходната пресметка, референтната цена на бензините е зголемена во просек за 4,829 отсто, на дизелот за 8,922 отсто, на екстра лесното масло за 11,644 отсто, а на мазутот за 4,163 отсто.
Дополнително, курсот на денарот во однос на американскиот долар во периодот опфатен со пресметката е повисок за 0,5449 отсто.
