БЕЗ ВОДА ДЕЛ ОД ЦЕНТАР ПОПЛАДНЕВО Еве кои корисници ќе бидат погодени

ЈП „Водовод и канализација“ Скопје информира дека попладнево ќе има прекин во водоснабдувањето кај дел од корисниците во општина Центар.

Поради уличен водоводен дефект на водоводна цевка со профил Ф150 милиметри на улицата „Рилски Конгрес“ бр. 52, без вода ќе останат корисниците на потегот од број 60 до број 120.

Прекинот на водоснабдувањето започнува во 13:30 часот, а водата ќе биде пуштена по завршувањето на работните активности.