ОД 1 СЕПТЕМВРИ ПОВТОРНО ВОЗ ОД ЗЕЛЕНИКОВО ДО СКОПЈЕ Осум линии дневно
Возовите ќе застануваат во Орешани, Драчево и Лисиче, а патувањето до Скопје ќе трае најмногу 28 минути.
Од 1 септември 2026 година повторно се воспоставува железничката врска меѓу Зелениково и Скопје, со градски воз кој ќе сообраќа осум пати дневно во двата правца.
На релацијата од Зелениково до Скопје, возот ќе застанува на станиците Зелениково Ново, Орешани, Јане Сандански, Драчево и Лисиче, а крајна дестинација ќе биде Железничката станица Скопје.
Поаѓања од Зелениково кон Скопје:
- 06:20 часот
- 08:30 часот
- 12:26 часот
- 14:00 часот
- 16:25 часот
- 18:30 часот
- 20:12 часот
- 21:55 часот
Патувањето до Скопје ќе трае од 24 до 28 минути.
Поаѓања од Скопје кон Зелениково:
- 05:32 часот
- 07:30 часот
- 11:40 часот
- 13:20 часот
- 15:42 часот
- 17:45 часот
- 19:12 часот
- 20:56 часот
Во обратен правец, патувањето ќе трае меѓу 24 и 26 минути.
Возниот ред ќе важи од 1 септември до 31 декември 2026 година.
Повторното воведување на линијата ќе им овозможи на жителите на Зелениково, Орешани, Драчево, Лисиче и околните населени места побрза алтернатива за секојдневното патување до Скопје.
Со осум поаѓања дневно во двата правца, железницата треба да понуди дополнителна можност за избегнување на сообраќајниот метеж, а нејзината практичност во голема мера ќе зависи од усогласеноста на возниот ред со работното време, наставата и останатиот јавен превоз во Скопје.
