СКОПЈЕ ЧУСТВУВА ЧАД Пожарот од Жеден се префрла кон скопска страна

Мирисот на чад што попладнево се чувствува во делови од Скопје доаѓа од пожарите што се активни на планините Жеден и Китка. Пожарот на Жеден, во атарот на селото Бојане, од тетовската страна постепено се префрла кон скопскиот дел. Пожарот е на исклучително тешко пристапен терен, што дополнително го отежнува неговото гаснење.

Во акцијата, како поддршка на скопските пожарникари, се вклучени и нивни колеги од Тетово.

Од Центарот за управување со кризи претходно соопштија дека зачаденоста забележлива во Скопје е последица и на ветерот кој го носи чадот од пожарот на Китка, на територијата на општините Студеничани и Зелениково.

На овој пожар денеска дејствувал и хеликоптер на Министерството за внатрешни работи.