КОЈ ГО РАЗНЕСЕ „СЕВЕРЕН ТЕК 2“ Зеленски категоричен: Украина не е вмешана
Украинскиот претседател тврди дека Киев никогаш официјално не учествувал во операција поврзана со саботажата и порача дека Украина е подготвена да соработува во истрагата.
Украина никогаш официјално не учествувала во каква било операција поврзана со саботажата на гасоводот „Северен тек 2“, изјави украинскиот претседател Володимир Зеленски.
На самитот „Украина – Нордиско-балтички осум“ (NB8) во Киев, Зеленски порача дека Украина е подготвена да соработува во истрагата за случајот.
„Украина никогаш официјално не учествувала во никаква операција поврзана со саботажата на „Северен тек 2““, рече Зеленски.
Тој додава дека истрагата продолжува и дека во процесот се вклучени обвиненија и сведоци.
Украинскиот претседател истакна и дека за ова прашање биле одржани разговори на високо ниво со претставници на Германија.
Зеленски нагласи дека Киев е отворен за соработка и за разјаснување на сите околности поврзани со саботажата на гасоводот.
